تعودت في تاريخ معين من كل سنة أتوجه إلى مكتبي..أفتح الباب .. و فجأة!
surrrrrrrpriiiiiiiiiiiiiiiiiiise
happybirthdaaaaaaaaaaaaaaaaaaaay:)))))
و بعدين ألقى جدامي pumpkin cake....يمكن هالمشهد صار له 3 سنين يتكرر ولازم في كل مرة ألقى pumpkin cake من محل كاراميل.
أتذكر أول مرة يوم سألت البنات شنو هالكيكة ؟يوم قالوا لي كيكة قرع ،كانت ردة فعلي..
(إستغفرالله ياربي) :((
ما أستلطف القرع شكو يحطون لي إياه بكيكة عيد ميلادي ، جان إستشاروني قبل لا يسوون لي هالمفاجأة ..ألحين شلون بجاملهم؟
وما ان هميت بأداء دوري بمسرحية المجاملة ... كان الحب من "القضمة" الاولى :))
و من بعدها صرت بيوم ميلادي قبل لا ادش المكتب ، أتوقع الصيحة ...
و أتمنى الــpumpkin cake
كيكة القرع مثل ما توصفها إحدى الزميلات..قاتلة
كيكة من طبقتين (أو 3 طبقات) محشية بالـcream cheese ومغطاة بالتوفي...أظنتي كلمة قاتلة وصف مناسب جداً لها
الواحد لما ياكلها يحس بلذة الخطيئة علشان جذي ما قط مرة شريتها بأي مناسبة (لأني أدري إني راح أقضي عليها) و أكتفي إني آكلها من سنة لي سنة.
بس شلي خلاني أفكر إني أسويها بغير وقتها؟
كانت جندل منزلة موضوع عن كيكة الريد فيلفت ويم قلت لها إني أعرف أسويها طلبت مني إني أسويها و أنزل بوست فيه الطريقة و المقاديرجندل تطلبت مني ريد فيلفيت؟...يا غالي و الطلب piece of cake
ورحت الجمعية..أدور على الصبغة الحمرا (إلي إهيا أساس الريد فيلفيت) و أدور أدور رحت جمعيتنا رحت مركز سلطان ...ماكو :(
جان القى بويهي هذا
علبة بيوريه القرع إلي تستخدم لعمل الpumpkin desserts ...قلت ليش لأ ...و آنا كنت حاطة في بالي أسوي كيكة من طبقتين لأني كنت شارية من تركيا الspatulas إلي تستخدم في الحشو و التغطية و شارية عدة تزيين الكيكة فودي أجربهم.
و بدينا بالشغل مع أول تجربة لي بعمل كيكة من طبقتين و أول تجربة لي بالتغطية.
دخلت يوتيوب و لقيت جم فيديو tutorial علشان أتعلم الطريقة
أول شي قبل لا أشتغل و اسوي الكيكة حطيت علبة حليب نسله المركز و المحلى في الماي المغلي لمدة 4 ساعات
و هذي هي إحدى الطرق للحصول على صلصة التوفي
هذا شكل الحليب بعد ما إنغلى لمدة أربع ساعات و راح تكون الصلصة شوي متكتلة
فنخفقها علشان نكسر الكتل بمساعدة كتكوت :))
نزهب الصحن قبل لا نشتغل..
هذي الطريقة تعلمتها من أبله نايجيلا لاوسون ، نشقق أوراق زبدة و نغطي فيها اطراف الصحن قبل لا نحط عليه الكيكة علشان لا يتوسخ الصحن بالكريما و أحنا نشتغل ، بس نخلص نجر الأوراق و يطلع شغلنا مرتب و نظيف.
أوكي
ألحين نحشي الكيكة
(إشدعوه هالكثر كريما!!!!) @@
أدري أدري بس القاعدة في حشو الكيكة تقول حطي كريما أكثر من الحاجة و بعدين شيلي الزايد لأن إذا حطيتي شوية راح تتكسر الكيكة معاج و إنتي تمدين الكريما
و مدينا الكريما
ألحين نحط الطبقة الثانية من الكيكة و نمسح إلي طالع من الكريما لي بره على جوانب الكيكة ، وبعدين نغطي الكيكة كلها بالكريما
not wow ..but good for a first attempt
أوكي ألحي ننشيل أوراق الزبدة من تحت الكيكة و نصب التوفي من فوق و نزين بالجوز المكسر
و مع شوية تفاصيل صغيرة علشان نزين الكيكة من الحاشية
تراااااااااااااااااااا
*********
ييت ذاك اليوم و فتحت الثلاجة ولا
ما شاء الله ...أثرا البيت طايحين فيها:))
أستانس أشوف هالمنظرعليهم بألف عافية:))
تصوير:mellow
*******
المقادير
علبة لب قرع مهروس-كوبين و نص طحين-كوبين سكر (أقل أو اكثر حسب الرغبة ، المرة الثانية ناوية أقلل السكر)-كوب زيت نباتي
3 بيضات-ملعقتين صغيرتين فانيليا-ملعقة صغيرة بيكينغ صودا-ملعقة صغيرة ملح-ملعقة صغيرة دارسين مطحون-4 حبات قرنفل (مسمار) مطحونين
للتغطية و الحشو(ملاحظة: إذا أردتم فقط حشو الكيكة دون تغطيتها يستخدم نصف المقدار)
قالبين زبدة غير مملحة بدرجة حرارة الغرفة-4أكواب سكر بودرة-علبتين جبنة فيلاديلفيا (سعة 300 غرام للعلبة الواحدة)-ملعقة صغيرة من الفانيليا
طريقة عمل الكيكة
-ندهن قالبين دائريين بالزيت و نرش عليهم القليل من الطحين و نسخن الفرن على درجة حرارة 175 درجة مئوية.
-بالمضرب الكهربائي نخفق كلاً من لب القرع و البيض و الفانيليا و السكر و الزيت-نضيف المكونات الجافة (الطحين+البيكنغ صودا+الملح+الدارسين+القرنفل) للخليط السابق و نتابع الخفق إلى أن تتكون لدينا عجينة دبقة و متجانسة.
-نصب الخليط في القالبين و نخبزهما لمدة 50 دقيقة إلى ساعة كاملة في الفرن ثم نخرج القوالب
- ننترك الكيك يبرد (مهم) قبل أن نحشيهما و نغطيها بالكريما.
_نخرج الكيك من القوالب و نغطي الطبقة الاولى بكريما الجبن و من ثم نغطيها بطبقة ثانية من الكيك ثم نغطي الكيك بالكامل بكريما الجبن
-نصب صلصة التوفي
.طريقة عمل كريما الجبن
نضرب الزبدة مع السكر البودرة (ملاحظة: نضيف السكر تدريجيا إلى الزبدة بمقدار أربع ملاعق في كل إضافة حتى لا يتطاير غبار السكر البودرة)
-نضيف جبنة الفيلاديلفيا إلى خليط الزبدة و السكر مع ملعقة صغيرة من الفانيليا
هناك ٣٩ تعليقًا:
تحذير:
لما نسوي التوفي بالطريقة المبينة بالبوست لازم نحرص إن الماي في الجدر كلما وصل مستواه إلى نص العلبة نزيده، من الخطر إن نخلي الماي ينشف
ديروا بالكم
ماشالله عليج.. صج ماتوقعت ان الصورة اللي فوق بنوصل لها بالاخير.. حسبتج قص ولصق ماخذتها.. :)
ماشالله عليج ربة منزل محترمة مع مرتبة الشرف :)
أهم شي كتكوت.. ما اوصيج عليه.. عاد ليش معصب جذيه؟ طيبي خاطره لاتزعلينه ..
وبعدين مايصير تشوقينه ماتوكلينه.. يالله عزمي المدونين وذوقيهم يستاهلون:)
وكل عام وانتي بمليون خير وسعادة..
كل عام وانتي بخير بعد قلبي والعمر كله
والكيكه تشوق
ابي الريسابي بالإنجلش عشان طباختنا
مالي خلق اترجم
:)
طرار ويتشرط
وعلى فكرة محل كراميل هذا وين فيه
مو اللي يم داس
:)))
Meloooooooooooooow
صباح الـ بمبكن كييييك
عاد أنا غرامي هلـ كيكة وخاصة من كراميل
أبيييييييييييه حدج عجيييييبة
إنتي مسويتها؟؟
اسم الله عليج الرحمن الرحيم
عيني عليج باردة
الله يحفظج ويحرسج
أقووول ميلووو
شنو ورق الزبدة ؟ ماعرفه :)
ويا حلات الكتكوووت ناطر دوووره ؛)
سؤال سريع.. طلعت نفس طعم كراميل ولا غير ؟
ومعلومة بقولها.. رفيجتي تسوي كيك عجيب ومن زمان كانت تسوي الـ فيلفيت بس تقوول لي إن لطحين ماله أحمر غير لطحين العادي وكانت قبل تطلبة من بره الكويت ..
يا صباح البمبكن والترتيب والنزاكة
:)))
عسى عمرك طويل يا ميلو... ما قصرتي على المجهود
:)))
وريحة التوفي واصلة لي بيتي امممممممممممم
على فكرة هذا مو توفي... ما ردج حق ديرتج يا ميلو
هذا
dulce de leche
:)
لأني من عشاقه انضميت حق جروب دولثي دي ليجي بالفيس بوك وهذي طريقة تحضيره... ودايما يقولون ان غير عن التوفي والكراميل
يسمونه مربى الحليب... يا عيني
.
.
.
مشكورة ع النقصة وعلي القهوة الشقرة
:)
كل عام وانت بخير
ياربي انا شنو سويت لكم
امس اتصفح موقع عجيب مطعم هابين فيه الحين بامريكا استعذت بالله من الشيطان واليوم الصبح افتح اشوف كيكة قرع اه ياقلبي
بس الصراحة ماشاءالله عليج فنانه عليكم بالعافية الكيكة
وهذا الموقع شوفي السويت من المنيو تحطيم
http://www.maxbrenner.com/menus.html
يا ربي هالبنت سنع و منع
ماشاءالله عليج :))
صج يحوشني اكتئاب بسيط ليه شفت ناس هابات ريح جذي
بس عادي بسرعة يروح :))
ما شاء الله
يا محاسن الصدف
امس بس كنت اتكلم مع وحدة عن هالوصفة
انا اسويها بطريقة ثانية
بس هذي لازم اجربها
تسلم الايادي
وكل عام وانتي بخير
متى عيدميلادج
؟
شكلها يشوق اكثر عقب الغداء
ممكن بيس ؟ :)
أعزائي
مشكورين على كلمات الإطراء ، وعلى فكرة آنا عيد ميلادي شهر 12 مو ألحين
أعذروني ما رديت عليكم ، وراح أتأخر بالرد عليكم لأن دوامي اليوم لي الساعة 8 بالليل :((
ما أوصيكم، على ما أرد البيت ، ديروا بالكم على كتكوت
ميلوووووو
أي دوام هذا حسبي الله عليهم :(
ويك اند.. خنت حيلي
كتكووووت بعيوننا :)
دووونت ووري
فهمنا النغزة.. معطيتنا الوصفة عشان تبين سوربرايز شهر 12 :)
تستاهليييييين ؛)
أستاذ حمام
مشكور مشكور أخجلتم تواضعنا
:))
كتكوت هذا سر نجاح وصفاتي مثل ما إستكانة فيونكتها سر إبداعاتها...هذا من شريته وهو معصب ماني عارفة إشلون أرضيه بس مسيكين كادته كد حتى حليبتي أحوسها فيه.
أعزمكم؟
ما تحتاجون عزومة ، عطوني عناوينكم و آنا أتنقص لكم.
و كل عام و إنت بخير ، أظنتي عرفت إن ماي بيرثداي بشهر 12 مو ألحين ...قد أعذر من انذر.
هلا والله بالزين
تامرين أمر
هذي الريسيبي من موقع www.allrecipes.com
1 cup vegetable oil
3 eggs
1 (15 ounce) can pumpkin puree
1 teaspoon vanilla extract
2 1/2 cups white sugar
2 1/2 cups all-purpose flour
1 teaspoon baking soda
1 teaspoon ground nutmeg
1 teaspoon ground allspice
1 teaspoon ground cinnamon
1 teaspoon ground cloves
1/4 teaspoon salt
1/2 cup chopped walnuts
DIRECTIONS
Preheat oven to 350 degrees F (175 degrees C). Grease one 10 inch bundt or tube pan.
Cream oil, beaten eggs, pumpkin and vanilla together.
Sift the flour, sugar, baking soda, ground nutmeg, ground allspice, ground cinnamon, ground cloves and salt together. Add the flour mixture to the pumpkin mixture and mix until just combined. If desired, stir in some chopped nuts. Pour batter into the prepared pan.
Bake at 350 degrees F (175 degrees C) for 1 hour or until a toothpick inserted in the middle comes out clean. Let cake cool in pan for 5 minutes then turn out onto a plate and sprinkle with confectioners' sugar.
وهذي الريسيبي مالت الكريم تشيز (إذا بس تبي تحشي الكيكة خن تسوي نص الكمية)
2backages of butter at room tempreture
2backages of philadelphia cream chease (300g for each backage)
4cups of icing sugar
1 tea spoon of vanilla essence
cream the butter+icing sugar with electric beater until soft an creamy
add cream cheese and vanilla to the mixture and continue the beating
store the cream cheese frosting in the refrigerator before using
بس
و التوفي قولي لي لها خن تخلي علبة حليب نستله المحلى تطبخ بالماي لمدة 3-4 ساعات و تدير بالها على الماي ما يوصل إلى أقل من نص العلبة
و عليكم بالعافية
:))
إيه صج الزين نسيت لا أقول لج
كراميل ألحين موجود مكان مطعم ريتز إلي قبال البحر أول..وين مكتب تلفزيون الام بي سي؟ يمه
يو نو هو
لوووووووووووول مشكورة ما قصرتي
ورق الزبدة هذا الله يسلمج مجازا يسمونه بهالإسم..بالإنجليزي إسمه
wax paper or baking paper أو البرشمان
إيه حليب نستله لما ينطبخ يطلع طعمه بالضبط نفس التوفي ..آنا ما أفضل أسوي هالطريقة بس مضطرة لأن عندي الكيكة بسويها و بسوي الفروستينغ مالي خلق بعد تعالي حرقي شكر و خلطيه مع الزبدة و الكريما ، حليب نستله أسهل
كتكوتي هذا حبيبي الجندي المجهول في وصفاتي بس قررت أطلعه للجمهور علشان ياخذ حقه من الشهرة.
طحين أحمر؟@@
عمري ما سمعت فيه..ماكو إلا أدور عليه بقوقل ، بس آنا تقريبا مدورة بكل الريسيبيز مالت الريد فيلفت كلهم يستخدمون ملعقة طعام من الصبغة الحمرا، أما درجة عمق لون الكيكة فهذي تعتمد على كمية بودرة الكاكاو، إذا بودرة الكاكاو شوية راح يطلع لون الكيكة أحمر زاهي ميل شوي إلى الوردي إذا كثرتي من الكاكاو راح يطلع لونهاdeep red أو ياي على عنابي شوي مثل كيكة أحنا عشقناها.
مشكورة حبيبتي على المعلومة
:**
أهليييييييييييين جندولا
صديقيني بس تتوفر عندي الصبغة الحمرا ..أو الطحين الأحمر على قوله يونوهو إن شاء الله راح أسوي الريد فيلفيت.
آنا عبالي الدولثه دي ليتشيه أهو نفسه الحليب المحلى ، أثراه لما ينطبخ يسمونه جذي؟
بس صدقيني في أكثر من طباخ يسويه على إنه أهوه توفي ، مثل كيكة البانوفي يسوون التوفي إلي بالكيكة بهالطريقة.
عجبني إسم مربى الحليب :))
حبيبتي بالعافية و مو قدرج تستاهلين أكثر ، بس أي قهوة شقره؟
سوييييتي
زائرة شييييييييييييره من حلاتها حق بوست طعمه شييييييييييييييره
قاعدة أحاول أشوف السايت بس معلق عندي مادري إشفيه:(((
أثراج تحبين كيكة القرع؟
عيل هالبوست إهداء حقج :**
وااااااااااااي حبيبتي أحنا عشقناها
تسلمين :*************
جان زين هالحجي يسمعونه أمي و خالتي مو راضين يقتنعون :(( كله جان زين بناتنا مثل بنات فلانه و جان زين مثل علانه
أهلين بزميلة التدوين و المطبخ منال
حطي طريقتج في بلوقج خن أجربها
بس هذي إلي عجبني فيها إن القرع يا دوب مجرد نكهة (حق إلي مثلي ما يستسيغون فكرة القرع) ولا فيه ريسيبيز يحطون علبتين بمبكين بيوريه بس آنا إخترت هذي.
حبيبتي آنا بشهر 12 ريضه :))
أحنا عشقناها
دزوا لي عناوينكم علشان كل ما سويت شي أذوقكم إياه
يو نو هو
شفتي شلون :(((
الحمدلله على كل حال أحسن من البنات إلي معاي بالأقسام الثانية
كتكوت يسلم عليج و مستانس منج :***
الغالية ميلووو
مساء الكيك والتوفي
:)
كيف الحال
.
.
.
ماعمري ذقت هالكيكة...بس شكلها من كلامك حلوه بالحيل
الله يستر...أخاف اطيح فيها ويخترب النظام الغذائي
;)
تقبلي مني أجمل التحايا وأرقّها
مساء اللاتين :))
أتوقع راكان راح يحبها، اتخيل منظره وهو ملغمط ويهه وهدومه بالتوفي :))
عطني عنوانك و آنا أدز لك منها علشان تحكم
بس بعدها يبيلك 3 حصص إيروبكس متواصلة على أنغام أغاني بوأصيل
أسعدني مرورك
:))
اتشششششوووق .. عيدميلادي بعد اسبوعين تقريبا .. بطلبها :) انا امووت فيها حدها لذيذه .. توني ادري انج تطبخين ..
تسلم ايدج :)
شوقتيني راح أسويها حق يمعتنا
:)
شكرا جزيلا
هلا فاتووووووووووو
كل عام و إنتي بخير مقدماً
خوش شي عيل ييبي الكيكة من كاراميل و خن يحطون لج فوقها هابي بيرثداي فتفتوته :))
تسلمين حبيبتي :**
هلا والله باش مهندسة نيكون
سويها و عطينا رايج ... آنا مفكرة إذا إن شاء الله بسويها مرة ثانية راح أخلي سكرها أقل و بجرب أسويها على شكل ميني كب كيك حق التقديم.
أسعدني مرورج :)
WOOOOOW
ماشالله اسم الله عليييييج تسلم الايادي
روعه تشووووووق
وكل عام وانتي بالف خير
إينجل هارت
تسلمين حبيبتي مشكورة
و إنتي بخير
ما شاء الله تبارك الله
شكل الصوره فوق الرائعه
تسلم ايدج
وعليكم بالف وستميه عافيه
وبالنسبه للصبغه الحمره اعاني نفسج مو محصلتها ولا الفانيليا السائله والبيكنج صودا.. فجاه انقطعو من السوق :@
شوقيتي اجربها خاصه اني اسمع عن هالكيكه وما ذقتها للحين :>
أهليييييييييييييييين هلا والله ببنت الديرة
مو لاقية الصبغة الحمرا؟
:( مو خوش بشارة ..الفانيليا آنا كنت أعاني نفسج (عاد كل شي ولا الفانيليا بصراحة) لقيت الفانيليا البودرة بعدين رحت فرع جمعيتنا و لقيت السائل ، دايما روحي أفرع الجمعيات ترى تلقين.
هالكيكة وايد لذيذة طعمها غريب لأن أحنا عموماً مو متعودين ندخل القرع بحلوياتنا ، شوي كثري من الدارسين و المسمار تعطيها طعم spicy
أسعدني مرورج جداً :))
هلا حبيبتي ويعلج دوم مستانسه وسعيده :>
ابشرج لقيت الصبغه الحمرا والخضرا جان اخذ فوقهم كل الالوان اللي ناقصتني >> كنت بسوي توست ملون
المهم حصلتهم بجمعيه القرين واذا بعيده عليج بغليني وين تبينهم ويوصلونج بالخدمه
الفانيليا البحت للحين مستمر عنها ما حصلتها :(
(( بس يقولون موجوده بسيتي سنتر ))
اليوم ان شاء الله ناويه اروح هناك وان شاء الله باخذ مكونات هالكيكه لانها حييل دشت خاطري وبسويها للبيت ان شاء الله واوافيج بالنتايج
بسالج سؤال على السريع .. يصير اسوي توفي عادي صح؟؟ ولا نكهته غير عن التوفي العادي ؟؟ لاني متكسله على سالفه 4 ساعات على الحليب!!
اي نسيت الله يخلي لج كتكوت وعقبال ما تاخذين له كتكوته تشاركه الرف يمكن يتبوسم شويه هههه
بنت الديرة
وييييييييي يا بعد عمري عمرج ما قصرتي ...بس الصبغة الحمرا طاب خاطري عنها ، آنا ما أبيها إلا حق الرد فيلفيت
فمتى ما لقيتها لقيتها...ما يسوى أدور
الفانيليا جني شايفه والله بجمعية الشامية.
التوفي ...إي أكيد تقدرين تسوينه عادي بس آنا كان عندي أشياء وايد أسويها .. الكيكة و الكريما و بزين الكيكة فما كان لي خلق بعد أجابل الشكر وهو يحترق و أخلط زبدة و قيمر و فانيليا..فحطيت هالعلبة على النار و كل شوي أطل على الماي.
عفية إذا سويتيها قولي لي النتيجة
حبيبتي أسعدني مرورج :**
كتكوت راجل حمش مابيدحكش
:((
وصفة كيكة القرع صارت جاهزة على مدونتي
:)
حياج يالغالية
:)
http://easy-a6ba8.blogspot.com
منال
يالله كاني ألحين رايحة أجيك
;)
اول مره ادخل المدونه و سحت من شكل الكيكه شكلي بجربها حق الزواره و بسويها كب كيك مو احلى؟
ز بالنسبه للبمبكن العلب وين حصلتيه؟
الخيلاء
يا هلا فيج و خطوة سعيدة ..شرفتي و نورتي المدونة :))
آنا قايلة إن شاء الله إذا بسويها مرة ثانية بجربها على شكل كب كيك.
علبة القرع لقيتها بمركز سلطان على ما أعتقد كان بنفس القسم إلي فيه علب الكيك الجاهز (بيتي كروكر و العلالي) تلقينه إن شاء الله هناك
أسعدني مرورج :)
تسلم ايدينج شكلها يشوق
بس ما ظبطت معاي كمية الزيت وايد
اي كوب تستخدمين؟
إرسال تعليق