one "fun" day

ما في أحد يختلف إن سفر الخادمة يخلف وراه "بعض" الفوضى في حياتنا اليومية ، هالنوع من الفوضى ساعات يكون حميد خاصة إذا كانوا أهل البيت ما عندهم مشكلة مع الأعمال المنزلية + "لله الحمد" في خادمة ثانية شوي تشيل ، فجأة تلقى الأيام الرتيبة يدخل عليها شوية آكشن ، بالنسبة لي سفر ليندا بيــَّن لي مدى ثقة أهلي بطبخي ، فاليوم إلي أسوي فيه الغدا ما يكون في طبق ثاني غير إلي أطبخه، و شنو أسعد من إن الواحد يكتشف إن في شي متمكن منه و بشهادة الأحبة؟
هالشي قاعد يذكر في بداياتي ، متى أول مرة دخلت فيها المطبخ ، و شنو أول مهمة مطبخية قمت فيها.
أعتقد إني كنت بعمر دانة (بنت بنت عمي) و شيخة (بنت ولد عمي) ، يعني جذي بأولى إبتدائي ، كانت أمي لا بغت تسوي "غريبة" تناديني علشان أكور معاها العجينة و أصفها بالصينية ، مع أمي هذا حدي لأنها كانت تخاف علي و تخاف على طبختها بأنها تنحط بإيد ياهل ، أما خالتي فكانت تثق فيني و تعطيني حريتي ، و أتذكر المرة إلي خلتني "أجرخ" بياض البيض و تحول معاي إلى مارينغ ، كانت تجربة فريدة من نوعها و كانت سعادتي لا توصف و كأني إكتشفت سر من أسرار الحياة ، شلون سائل خفيف شفاف مثل بياض البيض يتضاعف حجمه و يصير مثل الكريما؟!! و من بعدها ، دخولي للمطبخ صار بالنسبة لي كأنه دخول مغارة علي بابا.
ليش في ناس يحبون يطبخون و ناس لأ؟ هل لأن في ناس في طفولتهم أتيح لهم إنهم يدخلون المطبخ و ياخذون راحتهم و ناس لأ؟ إنزين ...جيل الpsp و الvideo games لو يدخلون المطبخ راح يشدهم؟
خن أجرب.
إتصلت في بنت عمي و قلت لها تخلي بنتها دانة و بنت أخوها شيخة يمرون علي على يوم ، أكون آنا مزهبة عجينة thumbprints cookies ، هالوصفة إخترتها لعدة أسباب

أولها لأن الشغل بالعجين و تشكيله فيه شبه باللعب بالطين إلي أعتقد إن اليهال يعرفون له و يحبونه ، و ثاني شي لأن تشكيل عجينة الthumb prints سهل مجرد تكوير لقطعة صغيرة من العجين تتناسب مع حجم إيد الياهل و يغرزون فوقها قطعة كاكاو hershy kiss ، و كلما كان الشغل أسهل كلما حس الطفل إن بفرحة الإنجاز ، و السبب الثالث إن هالنوع من الكوكيز ما ياخذ له وقت بالفرن ، و اليهال دايماً تلقاهم متلهفين علشان يشوفون نتيجة إلي سووه و طول فترة الإنتظار يحسسهم بالإحباط .

تزهبت حق ييتهم و خذيت لهم aprons (مريلات أو صدريات) من كاث كيدستون

و شريت لي وحدة معاهم ، أبيهم يدخلون بجو المطبخ و إنهم بالفعل " طباخات محترفات"



زهبت العجينة و كان عندي مقادير وصفتيين





وحدة على peanut butter و الثانية على كاكاو



الاولى مشت معاي بس الكاكاو إعتفست
و بديت بالشغل



على الساعة 7 و نص المغرب شرف فريق العمل مالي وزهبت إختي كاميرتها



هلا والله ...إسم الله إسم الله حلات إلي بيساعدوني ...طبعاً هذي البداية كانوا مستحين.

كنت حاطة في بالي إن ثنتيناتهم بيشتغلون على صينية وحدة ، لكن بس إقعدوا على الطاولة كل وحدة فيهم يرت لها صينية بروحها تحس كل وحدة تبي تثبت نفسها و تبي تشتغل بطريقتها.








و ما شاء الله مسرع ما اندمجوا ...آنا إلي كنت متزهبة ما خلوني أسوي شي ..خليتهم على راحتهم










تسلم هالإديات :**




دانة خلصت :))









شيوخة ما بقى لها شي

خلصنااااااااااااااااااااااااا :))

عطونا بعد شي نسويه

بليييييييييييييييييييييييييييييييييييييييييييييز

بقت هالنتيفة مو عارفين شيسوون فيها

ليش ما نسوي بيتزااااا؟

و نحط فوقها تشوكليت

ليش ما نسوي snake؟

ليش ما نسوي حرف ماما حصة (يدتهم) ؟


أساهم في خرابيطهم و شكل مساهمتي عاجبتهم



يا بنيات بسكم تبربس







يا الله خلص الكوكيز

با لأخير كل وحدة زينت الjar إلي فيه شغلها و خذوه معاهم البيت

شيخة و دانة إستمتعوا مثل ما آنا إستمتعت ، أثروا بالعجينة و أثرت فيهم ، أبدعوا و أنجزوا و هذا الشي إلي ما توفره ألعاب الفيديو لهم ، ألحين دخلناهم المطبخ ، تهقون لما يكبرون راح يطبخون؟

الله يبلغنا فيهم لين ذاك الوقت :))

تصوير :farawla^foshya