أدري إني في ناس يمكن مشوقهم منظر الـfruit إلي حاطته حوالين الكيكة اكثر من الكيكة نفسها..أدري في ناس ينطرون الوصفات الياية و محد متحمس حق هالكيكة..و ماني عارفة إذا في أحد بهالدنيا يحب هالكيكة غيري آنا و أبوي ..بس إسمحوا لي بحطها لأن مأنبني ضميري كنت أبي آنزل هالبوست بالـfather`s day (يصادف كل ثالث يوم أحد من شهر يونيو، ما نخلص من الفناتق) بس إختبيت مع دانة و شيخة (يا حلوهم) و أجلت كيكة أبوي.
ورثت عن أبوي ملامحه ، هدوءه ، كتمانه، حبه للطبخ ، و حبه للإنجليش كيك!!
بصراحة ماني عارفة شنو سر حبي للإنجليش كيك؟ يمكن لأنها تكرس أوجه التشابه الكبيرة بيني و بين أبوي..أستغرب حبي للأشياء إلي يحبها أبوي حتى و إن كانت غير جذابة (مثل هالكيكة) ..بس صج صج آنا أحس إن لها طعم عميق غير عن باجي الـtea cakes ..وعلى الرغم من إن أنواع الكيك إلـّي طعم السكر يصير فيها قوي يفضل إنها تتقدم مع كوب قهوة ، هالكيكة ما يوازن طعمها غير كوب جاي "متسكر" عدل..غريبة شلون الناس يلبقون إلي ياكلونه مع إلي يشربونه!! و بالأخير يلبق and it does make sense!
المقادير :3 أكواب طحين -3 قوالب زبدة بدرجة حرارة الغرفة (آنا حطيت قالبين و طلعت العجينة شوي ناشفة زدتها قيمر thick cream فإنتوا حطوا 3 قوالب زبدة أحسن ، ماكو فايدة هالكيكة ما تستوي إلا جذي )-كوب سكر -رشة ملح -خمس بيضات - ملعقتين شاي فانيليا - ثلاث أرباع ملعقة شاي بيكينغ باودر- كوب و نص mixed peels (آنا خذيته من ركن الذواقة من جمعية الشامية ...ربعي) - نص كوب زبيب (إختياري ...آنا حطيت بداله بلوبيري مثلج ، تقدرون تحطون أي نوع مكسرات ، اللوز "البيذان" أكثر شي يمشي) - ثلاث أرباع كوب مربى فراولة أو توت.
الطريقة:
يدهن القالب بالزيت و يسخن الفرن على درجة حرارة 160 درجة مئوية.
يخلط المربى مع الـmixed peels و يترك جانباً.
تخلط المكونات الجافة (الطحين + السكر+الملح+البيكينغ باودر) في وعاء.
في وعاء منفصل يضرب الزبدة مع السكر إلى أن يتكون لدينا خليط شبيه بالكريما ، نضيف البيض (بيضة بيضة مو كلهم مع بعض) ثم الفانيليا ثم نضيف خليط المواد الجافة بشكل تدريجي لخليط الزبدة و البيض.
يصب الخليط في القالب و يخبز بالفرن لمدة ساعة و عشرون دقيقة.نخرج القالب من الفرن و نتركه يبرد تماماً ، ثم نخرج الكيكة منه
تصوير :mellow
هناك ٣١ تعليقًا:
happy fathers day
حق كل الأبهات ...إشعليكم طلع لكم يوم تحتفلون فيه
:)
يسلمووووووو
والله لوما المحافظة على الصحه والا الكيك مع الجاي او حليبه وجبه مفضلة بالنسبه لي
:)
أرتفل
مشكور ... ألحين تطالب شيوخة هدية :)
محد ذابحنا غير هالحلو
تحياتي
:)
ليش اطالبها؟؟
:)
يالله اطالبها شخسران
p;
تسلم ايدج يا ميلو
والله يحفظلج والدينج ويزيدج من برهم
:)
ريحة الكيكة كفخت بخشمي... أحب أنضم لنادي عشاق الانجليش كيك
مشكورة على الفيلفيت يا ميلو واعتبريها وصلت
:)
its my favorite wala
صج احبها :)
تسلم ايدج
آرتفل
تطالبها هدية الــfathers day
ولا الخبة بس حق الأمهات ؟
:)
جندولا
سعيدة لأني عرفت إن نادي محبي الإنجليش كيك يضم عضوية محبين غيري آنا و أبوي :)))
مشكورة حبيبتي و الله يحفظج لوادينج و يزيدج من برهم.
بس لا مو قبول ... شوفوا لكم طريقة لازم نذوقكم :)
أحنا عشقناها
واي إستانست :)
عيل لو ادري جان كاتبة فيها بوست أحسن من جذي ...ما هقيت هالكثر عندها معجبين
تسلمين حبيبتي ما قصرتي :*
كفيتي و وفيتي
أحسن من جذي ماكو :)
عليج بالعافيه انتي والبابا
سبحان الله الاذواق تنتقل من الاهل لي عيالهم.. عاد انا كنت اقول حق ابوي نفس الشي قبل جم يوم :> لما شفت بنت اخوي شلون تاكل وتلذذ بالخوخ نفس ابوها هههه ( عمرها 11 شهر اسم الله عليها )
وبالنسبه للتعليق اللي كنت ماجلته قبل جم يوم
كنت بقولج بارك الله فيج انج شجعتيهم وحببتيهم..بوستج خلاني ارجع بذاكرتي حق بداياتي بالمطبخ... الله يخليهم لاهلهم ويخليج لاهلج يا سكره
:>
وتسلم ايدج
ملاحظه على السريع.. الكيكه شكلها يشوق كثر الفواكه واذا مو اكثر :>
أحنا عشقناها
تهقين ؟
;)
مشكورة حبيبتي
بنت الديرة
يختي حلات إلي يحبون الخوووووخ إسم الله إسم الله الله يحفظها و يخليها ... إي علموها على الفاكهة...آنا مشكلتي الأزلية ما أحب الفاكهة :( كل شي مو مفيد أحبه.
أما عن التعليق المؤجل ... تصدقين آنا أحس إن كل اليهال إذا توفرت لهم فرصة دخول المطبخ راح يحبونه ، بس المهم إنج تتلاحقين عليهم قبل لا يدمنون و يتعودون على الألعاب إلي تخليهم كسولين ، بس ترى هم إهيا ميول ، يعني دانا خلصت شغلها بسرعة بس أحس شيخة مستمتعة بلي تسويه أكثر.
و إلي مثلج ماشاء الله لا إله إلا الله أكيد داشة المطبخ مبجر و شايفة أهلها شلون يحوفون الأكل.
بالأخير..صار لزاماً علي إني أطيب خاطر الكيكة ، توني أعرف قدرها :))
يا هلا ميلوي منزله كيكة وانا ما ادري ييت علي الريحة شميتها من بلوجي
كل عام والابهات كلهم بخير ويارب يخلي لكم الوالد ويطول بعمره .
الانجلش كيك سويتها في الزمن الغابر من زمان لا وفاضيه لازبيب ولا شي
تسلم الايادي ميلوي :)
أهلييييين سويتي
ليلحين طالعة ريحتها؟ زين والله
يممممممم مادري ليش أحس الإنجليش كيك الفاضية مال تغمسينها بجاي حليب تطلع لذيذة؟؟
إشتهيتها ألحين ...من إيدج :))
يختي وازين البنات اللي يدشوون المطبخ وحريفااات ويتفنتقون بالطباخ
الله يحفظلج أبيج ان شاء الله
نون النسوة
وختي شفتيهم؟!! زوغة إسم الله عليهم :**
حبيبتي عيونج الحلوين ما قصرتي
آمين و يحفظج لأهلج
شرفتيني و شرفتي المدونة
WoooooooooooooW
!!your dish are more than fantastic
مادري شقول بـس مادري ليش حيل منصدمة!
أطباقـج أتينن و so yammy
وناسـه أول مرة أدري انه عندنا طاقات شابـه جذي
ماتسويـن orders على اطباقج؟ :d??
dishes *
من الطفاقه تخربطـت
the one
صباحك رضى من الرحمن
صباح مفعم بالطاقة و ينضح بالسعادة
ونستيني من الصبح :))
مشكورة حبيبتي ما قصرتي من ذوقج ، والله إلي يفتر على المدونات يلقى طاقات هائلة (فكرية و فنية و أدبية) و هذه المدونة ليست سوى نقطة في بحر هذه المواهب.
ما أسوي أوردر على الأطباق و حالياً ما أفكر بالبزنس ، المطبخ مخليته مكان راحتي و سعادتي و مابي هالشي يتغير.
مشكورة حبيبتي أسعدني مرورج :))
اممم تصدقين ؟
مادري ليش ما أحب الفواكه بالكيك كلش كلش كلش !
بس كل شي من إيدج حلو وربي يخليلج باباتج :)
بقولج سـر !
مس يوو وايـد ^-^
tara omi safarat
wana 3la Alah o 3la ur recipies
yala la 6awleen 3laina
:)
بوحة
يا حياتي ما تفقدين غالي
مادري إشيايني على الإنترنت :((
جنج أمي ما تحب الفاكهة لما تنطبخ ...يوم سويت هالكيكة فرفتتها تفرفت علشان تطلع إلي فيها و آخر شي تقول لي لذيذة ! شلون عرفت إنها لذيذة مادري
أحنا عشقناها
وي متابعين ؟
و آنا ناسية المدونة ... يختج مادري إشفيني صايرة كسلانة.
عيل بديتي تطبخين ؟ :)
خلاص إن شاء الله إنزل لج شي سهل الأيام الياية :)
إلا أقول ...ما رحتوا أسبانيا؟
آنا على الأسبوع الياي إن شاء الله
اي متابعبن :)
اي صرت هبت ريح
بس باجر عازمة خالتي عالغداء
الشعور جنة وراي فاينال
ادعيلي :))
و اسبانيا .. انا عيل عقبح باسبوع
السنة انا من المغضوب عليهم في الدوام
آخر وحدة تطلع اجازه :(
تسلم أيدج .. أطباقج حلوه .. رحت محل كاثي الي بالافنيوز وخذيت لي جنطه حق الاب توب وجنطه ميكب .. الله يحفظ لج الغاليين وتطبخين لهم هالأكلات السنعة
أحنا عشقناها
سوري على الرد المتأخر
بس أحلا خبر :)))
ناطرينج باسبانيا
السبت إلي طاف اكتشفت مطعم بو طير على قولتكم إلي بميخس ...خن نتواعد فيه على يوم :)))
ستار
كاث كيدستون المفروض يعطوني عمولة ...سويت لهم خوش دعاية :))
لك مني جزيل الشكر على زيارة مدونتي
أسٍعدني مرورج
** مساء الورد
انا سويت طريقة البرياني صراحه كان عجييب مشكورة وايد صج الاكل كان اجباري بس والله حلو مشكورة وايد ماقصرتي
ميمة السبيت
تعليقج أسعدني جداً جداً و إن شاء الله باجي الأطباق تحوز على إعجابج
أسعدني مرورج عزيزتي
إرسال تعليق